Hamulak ba Timor
Oh, Na’i Ami oan Timor Lorosa’e Tuku tuur hana’i Iha loron ida-ne’e lori hasa’e Ami-nia agradesimentu wa’in Ba Ita-Boot nia tulun Lori hakotu ami-nia terus naresin Iha tempu kotuk liubá ne’ebé maka nakukun Biar nune’e ami-nia terus hotu iha duni folin Tanba Ita-Boot nia tulun ami hetan hikas naroman Atu ami iha biban no beran ukun rasik ami-nia nasaun Timor Lorosa’e foun Iha ne’ebé ami mehi atu povu hotu moris diak hanesan. Braga, 17 de Maio de 2012